♡ Sweet Home 一定要有個 Sweet Dream 先 ♡

終於有時間補寫返訂床褥記嘞 (^_^;)～

我哋做嘢真係…… 哈哈…… 好唔跟 Schedule…… 話說我哋上個禮拜無啦啦開始睇床褥…… 點解呢？

事源係因為見到一系列百貨公司同專門店一年一度減價啦！！！

永x百貨 Sale @ 2015-05-18

一直都覺得 SEAxY 嘅床褥好吸引，我自己都唔知點解，可能係佢啲廣告夠搞笑啩～ *^O^* 有日搭搭吓地鐵見到話永x 有 SEAxY 床褥半價，即刻拉埋男友去睇吓先～

當然，我哋唔係剩係睇一個牌子啦～

可能男友見我上年因為媽咪買咗張超硬床褥俾我之後日嗌夜嗌都係加咗張 SINxMAx 床墊，以為我有 Preference，所以第一件事去 SINxMAx 嘅 Counter。

呢個牌子唔係唔好，之不過如果雙人床，我會比較鍾意彈簧床褥，因為用過太空綿嘅枕頭之後覺得似乎唔太透氣咁…… -_-#

試完 SINxMxx 想去 SEAxY，但好多人，咁繼續行個圈先～

去咗 KINxKxxx，個人唔鍾意佢啦～

唔知係咪偏見，都係關乎媽咪無啦啦換咗我張床褥嘅事，嗰時未買床墊嘅時候，諗住直接換過張床褥，因為太硬嘅床對於側瞓嘅我實在好辛苦，除咗瞓唔著，成個膊頭同頸都好痛好痛。

傻吓傻吓嘅我，居然走咗去 KINxKxxx，原來佢哋剩係做厚床褥，都唔緊要，咪當行吓囉，點知當日個 Sales 嘅態度真係唔太討喜，感覺上好似指我混吉咁，所以一直都唔太鍾意呢個牌子。

我哋去永x都有去睇 KINxKxxx，雖然同一年前係唔同店唔同 Sales，俾我嘅感覺都係一樣，所以好快就拉走咗 Mr.W 嘞～

（純個人意見同個人偏好，不喜勿插～）

見 SEAxY 個 Counter 終於少人啲，過去試吓先～

經過一年嘅訓練，我呢，終於開始有啲習慣仰睡，而男友係側睡嘅，所以 Sales 姐姐問我哋想要咩感覺嘅床褥嘅時候，男友第一件事要包唔要挺嘅床褥。

Sales 姨姨先叫我哋試一張都幾厚吓嘅床褥，11吋半厚（諗起換床單就有啲暈 ⊙_⊙），點知男友一瞓完上去唔肯落返嚟！！！有啲似個廣告咁款，俾佢激死……

可能因為我自己比較懶瞓，差唔多係任何地方任何狀態都瞓到，不禁諗，有冇咁誇呀？？？

試咗呢張係 Relaxation，4'6" x 6' 原價 24xxx，永x特價 14xxx，好似都幾吸引，但係又怕太厚……

Sales 姨姨以為我面有難色係因為價錢，帶咗我哋去睇做緊半價 8xxx 有交易嘅款。男友勁衰，一瞓完落去即刻彈起身望住我……

但係始終都要成萬幾蚊一張床褥，我哋都係冇即刻決定，行多兩間就走咗喇～

美國網購 - 「這些機會不是屬於我的」 @ 2015-05-19

好難得，男友對某一個特定裝修或傢品 Item 咁努力，聽我講話上網睇唔少人網購床褥平好多，佢不停咁努力做功課之餘又陰啲陰啲同我講張床褥有幾好…… 即係好鍾意啦～

咁我見佢咁鍾意，咪又唯有一齊加入資料搜集嘅行列囉～搵到呢間：

原來香港買 SEAxY 比美國網購再運返嚟真係貴一倍……

但係我哋不得不嘆句：這些機會不是我（們）的……

香港 SEAxY 據聞係澳洲 SEAxY 公司嗰邊分銷嘅，所以我哋喺香港見到嘅型號同美國網頁嘅型號係對唔到咖～ @_@ 但係為咗減省成本，都係打算先搵吓有冇咩款係啱 Size，先再去由每個 Model 嘅軟硬度估吓、搏吓先～

後來發現都係要死心…… 因為我哋最多只可以做 4' 6" x 6'（或者可能有機會做到 6' 3"，呢個之後再講…… ），但係美國網購嘅 Size 係 Fit 唔到我哋間屋，好多都成 80" 長，真係無可能擺得落……即係我哋要嘅係 Double，但美國網購係搵唔到 Double 呢個 Size…… T_T

尖沙咀專門店 @ 2015-05-20

喺 520 呢個應該好浪漫嘅日子，我哋好唔浪漫咁…… 去咗睇床褥！因為專門店都做 Promotion 到 5 月 25 號～

黃雨真係好唔想好唔想四圍去，好彩專門店係喺商場裡面。

再次証明男友中咗張床褥嘅毒，俾著係佢無興趣或者一般興趣嘅嘢，一見落少少少少雨一定已經話唔去睇咖啦～

去到專門店，我哋完全唔記得咗試咗嘅 Model 叫咩名…… Sales 叔叔又好好咁由頭介紹俾我哋～

原來百貨公司 Model 同專門店 Model 係唔同嘅，Sales 叔叔聽我哋話要包身啲，介紹咗張 5 Star Award 俾我哋。

男友似乎都係對 Relaxation 情有獨鍾，但我又瞓唔慣太軟……

Sales 叔叔一啲都唔 Pushy，仲話最緊要自己瞓得舒服，叫我哋要試完記住個感覺再去百貨試清楚～

佢仲好好人咁拎埋個 Sample 出嚟同我哋講佢哋啲床褥嘅原理呀、物料呀咁，仲話如果我哋定唔到咩 Size 落訂後都可以改。

事源係，我哋仲喺 4' 好定 4' 6" 好之間猶豫，又好似 Mr.W 瞓 6' 有啲頂天立地，唔知間房做唔做到 6' 3"…… 我都知我哋兩個超麻煩……

╮(╯▽╰)╭ 有得改，正呀～超心郁～

最後，男友諗咗一晚，第二日話佢去落訂先～

哈哈哈哈～我覺得太好笑啦～因為太唔合乎佢「可以 Hea 的話不會郁」嘅性格嘞～ (￣∇￣)

佢真係好鍾意張床褥～

九龍灣專門店（買完都係又試吓） @ 2015-05-24

尋日我哋去咗九龍灣行 IKxx 同 AExx，行到攰攰哋，居然又走去 SEAxY 專門店玩，因為雖然我哋俾咗訂，但都仲可以轉款咖（當然專門店買只可轉專門店款啦）～

同 Sales 姐姐講完我哋嘅要求，佢又叫我哋試吓啦，唔，好似好舒服喎～

Mr.W 個表情話我知佢好滿意，我講笑咁細細聲咁同佢講，可能呢張都係 5 Star Award，點知……

哈哈哈哈～真係～～～

Sales 姐姐再叫我哋試另一款，Lafatyett～

Mr.W 鍾意包身嘅，老佛爺啱佢，但我覺得太林喇……

最後維持原判，5 Star Adward～

比起一啲牌子，貴就貴啲，不過人生有 3 分 1 時間係喺張床度，瞓個好覺好緊要嘛～