♡ 望實優惠逐樣買 ♡ 75 折煮食爐入手 ♡

早兩日臨瞓上網 Search 資料 Plan 假期去邊繼續搞新屋嘅嘢，俾我搵到佢～

CRxxY SAxx 網頁

但係同一日，我哋又要去買鎖，又想去 Sogo，仲要男友夜晚約咗人打波我就要趕返屋企食飯，最後都只係買到房門鎖……

見今日係最後一日優惠，其實都唔知張嘢堅唔堅咖，放工拎住就走去 TOxx GAS 睇煮食爐。

預先上網睇咗呢兩個款：

對於唔識煮嘢食嘅我，睇煮食爐梗係剩係睇樣啦，呢部真係好型呀個樣，但係價錢就…… Out 晒 Bud 囉～ (>﹏<)

都係揀返個平平哋穩陣，呢個款話係嵌入式同座枱式都 OK，價錢吸引。

原來呢部嵌入式咁裝嘅話，爐面距離枱面都幾高吓。我哋個廚櫃因為要就大眼仔洗衣機同男友嘅身高，對我嚟講已經好高，呢部唔啱我哋嘞…… 兼且男友唔鍾意佢冇時間掣……

除非真係男友負責煮飯啦，咁再高啲都冇問題～當然，只係我發夢啦～ (￣∇￣)

開頭我哋冇話用「員工優惠」，Sales 姨姨報俾我哋嘅係「星級優惠價」，即係普通「電視框（Discount）」啦～

我哋再問可唔可以用張 Coupon 啦，原來「星級優惠」係可以做免息分期喺煤氣單度計，「員工優惠」就要付現簽咭一次過俾晒嘞～

我哋又八卦吓 GTx 同 SIMPxx 兩個佢哋代理嘅牌子有咩唔同啦～原來零件保養都係一樣，都係包基本安裝，GTx 係日本廠台灣嵌，SIMPxx 係內地。

Sales 姨姨介紹呢部俾我哋，「員工優惠」做 75 折～

呢部有時間掣，係「蓮芯火」嚟嘅，咁懞吓懞吓嘅我哋又問吓咩叫「蓮芯火」啦，原來平時啲爐係分內圈外圈嘅，叫「獨立芯火」，較到個火最細嘅時候，只有內圈（細啲嗰個出氣位會著火），「蓮芯火」都係兩圈，不過一上一下，即係較細火嘅時候個「火圈」都係一樣 Size 嘅…… （註：我盡咗力形容咖啦…… 唔知大家明唔明？）

其實，我估我哋都比較少機會會煲湯，頂盡咪滾湯，實際係「獨立芯火」定「蓮心火」用起上嚟有咩分別我哋都唔知咖啦～ @_@

再多口問 Sales 姨姨，仲有冇邊部平啲，呢部堅平，但係嗰幾條黑色條條實物真係好阻碇……

我哋見 Sales 姨姨咁好人，仲問咗好多古怪嘢，譬如點嵌去個廚櫃啦、點換電啦、壞咗洗唔洗點俾師傅拆出嚟整啦、有冇散熱要求啦，呢啲～

玩完一輪，最後都係買咗「蓮芯火」有時間掣嗰部～

Yeah，75 折煮食爐入手～ ＼(^o^)／