♡ 動工前準備 ♡ 申請裝修 ♡

聽日去同師父簽約，唔計入傢俬電器希望 7 月完工，個期都幾趕，即係愈快開工愈好，一決定搵邊個師父，即刻打電話去問完師父有冇期，知道師父有期之後，今日拿拿臨去管理處申請裝修手續。

原來申請裝修都幾煩…… @_@

要兩個工作天前做手續，而裝修按金只接受親身交票，又都幾貴吓，要 5000，仲有好多條款要簽。

而管理處收夜晚七點，我哋一收工仆崩鼻過去管理處，好彩趕得切，咁大個人都未試過咁怕俾錢人人哋唔收嘅…… -_-#

我哋 make 咗個 copy 打算夾埋啲條款去同師父簽嗰份約入面∼