♡ 自家製 Rendering ♡

同男友商量完，初步諗咗個大概，之後男友就上賣樓網 Download 相似嘅單位嘅相落嚟用返 NIxxON 個 Software 嚟 Simulate 一吓～

客飯廳大約嘅顏色

睡房大約嘅顏色

書房大約嘅顏色

睇完 Vender 出嚟嘅效果之後大方向都 OK，係廳嘅深啡色同房嘅淺紫色要 Tune 一 Tune～

♡ 繼續做緊木工 ♡

睡房窗口機用板包咗，但點解唔拆咁啲膠袋先呢？

修返靚個冷氣位

掛抽油煙機嗰邊嘅廚房吊櫃有初型嘞～

廚房抽油煙機吊櫃做咗七七八八

差啲冇留意到，原來兩間房同廁所門鎖都裝晒嘞～

裝晒門鎖

♡ 抽油煙機到咗 ♡ 可以開始做最後一個廚房吊櫃啦 ♡

廁所地櫃開咗洗面盆窿嘞，等埋雲石同櫃面板應該差唔多嘞～

廁所地櫃開咗洗面盆窿嘞

天花吊櫃重新裝返上去，都係覺得木工師傅手工真係唔錯～

天花櫃裝咗一半

木工師傅堅持要見嘅抽油煙機真身，部機個樣真係好靚仔～用朋友 VIP 買，雖然冇減價，但叫做有啲禮品咁啦～

富x皇抽油煙機到咗

師傅跟住個真身喺牆度 Mark 位，因為同等之前出張圖有啲啲唔同，好細心～

度咗廚房吊櫃個位

♡ 超高難度 ♡ 揀油漆顏色 ♡

哎呀～唔裝修都唔知原來我真係有啲色弱（定係色盲？！）...... 好辛苦咁揀完廚櫃、廁所櫃、天花櫃嘅顏色之後，終於到咗對於我嚟講最困難嘅部分：揀油漆顏色！

如果我好似 WOW 友 脫寶 對顏色咁敏感就好啦...... 所以，都係唔好勉強自己喺一堆睇唔出有咩分別嘅 50 色咭（更勿論千色咭，簡直攞我命...... @_@）……

既然如此，先定油漆牌子同系列～我哋揀咗 NIxxON 嘅紅罐（抗甲醛淨味全效）……

師傅俾我哋睇嘅 Catalogue 同我哋上網搵嘅有啲唔同…… 主要喺呢兩版裡面揀：

最易揀嘅係天花，唔洗諗～之後就睇咗呢兩版嘢成個禮拜都唔知點好嘞…… 其實我都睇唔到灰色 "Creamy White" 點解有 8 隻色，睇嚟睇去都係得 3 隻～ -_-b

♡ 盪平牆身 ♡

油漆師傅做咗一日之後似乎交咗個場俾木工師傅做嘢，直到大約一個星期之後，開始盪平返啲牆......

玄關位

似乎一邊做木工一邊做牆身

書房

睡房

都係一道道爛熔熔嘅牆…… -_-#

♡ 上廚房吊櫃、地櫃飾面、裝鋅盤、天花櫃內底油 ♡

上咗其中一組廚房吊櫃

廚房吊櫃我哋「偷」埋假天花裡面嘅位置，希望可以放多啲嘢。 Y(＾_＾)Y

裝鋅盤 + 木紋飾面（正面）

下星期洗唔洗提師傅駁口位做好啲，唔知驚唔驚漏水呢？

木紋飾面（正面）

木紋飾面（洗衣機位）

地櫃側木紋飾面（側面）

地櫃放洗衣機位裡面同放雪櫃側面都已經貼咗木紋飾面。

天花櫃內牆身底油

♡ 廚房地櫃初型、吊櫃、廁所地櫃、熱水爐安裝、部分牆身 ♡

廚房地櫃框初步完成

廚房地櫃框未開煤氣喉窿、洗衣機窿、鋅盤窿、煤氣爐窿。

煤氣爐裝咗

甩咗煤氣乾衣條喉

廚房吊櫃頂預位

廚房吊櫃一部分

廁所地櫃 + 熱水控制屏裝咗

做返天花櫃裡面嘅牆身

燈槽位牆身優先處理

 

♡ 繼續裝門、做廚房地櫃 ♡

書房門同框

廁所門同框

廚房地櫃（煮食爐嗰邊）

我哋櫃桶右邊有塊企身板冇做嘅，因為嗰個位要放部座地嘅熱水爐，唔做呢塊板，第二時有需要煤氣公司師傅都可以落手做嘢。

♡ 無眼睇嘅天花櫃 ♡

其實我覺得個木工師傅手工都幾好，但係點解個工序似乎出錯咗？ ⊙_⊙

手工唔差啩

天花櫃一邊留咗生口，因為冷氣喉喺呢邊過，但又唔明最右邊點解咁做嘅呢？ -_-#

點知，再睇埋裡面，冇眼睇

♡ 牆身剷底 ♡

油漆師傅開始剷牆，都好重手吓。

開頭以為係師傅有啲位未做，問咗朋友先知原來大多數情況下唔會咁重手。

再後來同油漆師傅傾計，師傅話係因為牆身有啲位濕氣重，所以幫我哋剷深啲，如果唔係可能住得耐啲油會易反起...... o_O

師傅仲話，我哋間屋濕氣重嘅位都係原先冷氣對住嘅天花位，可能因為之前住嘅人都習慣將冷氣出風口向天喎，如果要保養好牆身就要留意啦～ (￣∇￣)

客廳電視牆位置

飯廳位，應該會放餐枱

剷好深嘅書房天花

書房牆身

宮廳應該會放梳化嘅位置

 

做咗一半嘅睡房牆身



♡ 收潔具、入木材、裝門 ♡

今日師傅幫手收咗一堆潔具（鋅盤龍頭未買），木工師傅已經 Set 好咗個車床、入咗木材同埋開始裝門嘞～
 

收咗一大堆嘢

上咗廚房門框，未上封口

上咗睡房門同框

木工師傅個車床

 

♡ 自家出圖畫廚櫃 ♡

 

無辦法，男友話想像唔到個廚櫃嘅樣，又想有啲嘢俾師傅對照吓，自己半夜畫個廚櫃啦（廁所鏡櫃同地櫃簡單，應該唔洗畫啦啩）……

搞咗成晚，終於完成～ ＼(^o^)／

平面圖

三面櫃嘅左邊

三面櫃嘅右邊

三面櫃嘅中間

當然比不上裝修公司畫啦，幾厚板又冇寫、用咩鉸同數量又冇，開窿位又冇，點上牆又冇，不過都已經叫做可以俾男友睇吓，又可以用嚟同師傅溝通咁囉～

明明畫得好辛苦，男友都唔讚吓我，仲要話唔啱比例，我有跟比例畫咖，不過用吋之嘛～ T_T

♡ 師傅現場夾位做木工 ♡

做完泥水，係時候到木工。⊙_⊙

其實係咪應該油漆先？做完泥水我個師傅搵咗油漆做一日、跟住做木工，做做吓油漆師傅又出現，同步木工師傅又做緊嘢…… (^_^;)

我要做嘅木工有三樣嘢，（1）廚房吊櫃、地櫃（2）廁所鏡櫃、地櫃（3）燈槽。

因為啲櫃係現場做嘅，所以師傅約咗我哋夾位。開頭男友以為師傅約電話傾，點知唔係，好彩（？）我咁啱嗰日請咗假覆診，可以上去夾位，而男友放工先返嚟。 ←_←

同師傅傾先發現師傅個價唔包出圖，都唔知係溝通上嘅誤會定係點啦，不過都冇辦法，唯有用吓想像力。 ╮(╯▽╰)╭

師傅喺牆上面畫俾我哋嘅其中一張圖，已經叫做比較完善咖啦： o_O

廚房地櫃

一路傾，師傅一路喺牆身 Mark 位……

廚櫃記位

廚房記位

廁所記位

師傅話唔出圖，唔緊要，我都想像到嘅啩…… 但男友就成晚話想像唔到囉…… (^_^;)