仲未開始裝修已經覺得好麻煩，要做嘅濕碎嘢，要諗嘅細節嘢，要落嘅決定都好多，又怕買錯嘢…… @_@，真係知唔知點算好……
既然仲要等師父覆返再詳細啲嘅報價，趁呢幾日努力去搵吓磚…… 雖然都明知冇咁快定得到… 起碼睇吓先～＝0＝
其實正式嚟講應該有 Design 先嘅，不過我份人比較唔依本子辦事、隨心所欲咖啦…… (^_^;)
設計方向 ＆ 風格
設計風格好多種，有型格、溫馨、工業、英倫、懷舊、希臘小屋、奢華…… blablabla…… 人哋又唔係讀 Design 嘅，又冇審美眼光，真係頭都暈…… ⊙_⊙ 咁唯有揀 順眼 嘅。
其次，如果上網睇，都唔難發現，同 Fashion 一樣有所謂「潮流」，但個人認為啦，裝修一間屋花咁多錢裝修追潮流唔係咁化算，都係 實用、㩒用 好啲，雖則見朋友屋企好靚都係會心心眼…… ♡o♡
最開初想嘅新居係用呢幾年好興嘅黑白灰型格路線嘅，用黑地磚配白色牆，黑白灰傢俬嘅。對我哋嚟講最大嘅好處係，唔怕配錯色（因為得三隻色嘛，Hahahaaaaaa…… ( ´▽` )ﾉ）～
好想 Post 呢個 Style 嘅相，但上網睇嘅版都唔夠朋友 Mr.E 屋企靚（始終朋友屋企唔方便 Post……），唔 Post 嘞～
但由未開始揀廳房地磚嘅時候，唔知點解鎖定咗用木紋磚，要搵黑色木紋磚比較少選擇，咁又上網睇參考吓人哋嘅 Design 啦……
睇吓睇吓又發現溫馨 Style又唔錯喎～
Haha……都唔知係咪叫溫馨 Style 啦，總之係下面呢類啦……
 |
| Warm 得嚟又簡單啲，睇起上嚟闊落啲 |
 |
| 都係傾向簡單 Feel，㩒睇，儲物量唔夠 |
 |
| 呢個好靚，但唔知會唔會好快睇厭？ |
 |
| 大 Contrast 啲，Sharp 醒啲 |
其實都仲係 15、16 緊…… 不過基本鎖定用木紋磚～因為個個鍾意嘅樣都係木紋磚……
Target 搵咩磚？
因為考慮 Budget，基本上我哋唔會鋪牆磚做 Feature Wall，廳房都係用油漆搞掂，所以要搵嘅磚材瓦材都係呢啲：
- 廳同房嘅地板木紋磚
- 廚房地磚同牆瓦
- 廁所牆磚同地磚
膠地板 vs 木地板 vs 地磚 有咩考慮呢？
無咩理據咖，純個人覺得咖咋……
無咩理據咖，純個人覺得咖咋……
好耐之前屋企用過膠地板，不過嗰時好細個，印象中好唔鍾意，所以冇考慮過，不過，價錢應該算係三個裡面最平嘅～
木地板係我媽咪嘅 Favourite，由知道我哋想用磚開始，已經日哦夜哦問做咩唔用木地板，話睇起上嚟高檔次啲，我都唔知係咪高，剩係知道唔濕得水（=唔拖得地），易花（=用起上嚟要就住就住），仲要打臘（=每個星期要用半日打理佢）。
瓷磚，有好有唔好啦…… 易打理唔怕水唔太怕花，但冬天踩上去凍冰冰，磚同磚之間鋪起上嚟有縫（呵呵，從來都無考慮過無縫地板，我都唔知點解喎～）。
但係嗰啲「雲石紋」磚我又唔鍾意喎，當知道有木紋磚之後，我個心已經飄咗去木紋磚度嘞～
其實磚仲有好多種類同好多種分法 @_@，包括：
玻璃磚
屋企比較少用啦，不過嗰時買樓去睇樓嘅時候都見過有人人玻璃磚砌牆間房，好處係透光，但記住，玻璃磚係唔可以戊戊然用嚟取代結構牆咖～
不過我哋屋企冇得改間隔啦～
「牆紙」磚
去 MK 行嘅時候見到啲好得意嘅磚，係扮牆紙嘅，通常都係用嚟做 TV Wall 同床頭嘅 Feature Wall 嘅，不過因為 Budget 有限，睇吓就算啦～
不過我估用呢類「牆紙」磚應該比牆耐用啲啲，特別係潮濕地區，因為依家屋企啲牆紙經過咁多年都反起晒嘞……
拼磚、花磚
顧名思義，係有圖案嘅磚，可以單件有花，可以係好多件拼埋出嚟有圖案咁，有啲仲會係好立體吓，喺 MK 有見到直頭有幾個立體嘅天使仔喺塊磚上面…… *^O^*
不過呢，我自己對拼花就感覺一般嘞，因為我份人太五時花六時變嘞，好似簡單啲㩒睇啲，仲唔洗新年大掃除抹得咁辛苦……
去 MK 行嘅時候見到啲好得意嘅磚，係扮牆紙嘅，通常都係用嚟做 TV Wall 同床頭嘅 Feature Wall 嘅，不過因為 Budget 有限，睇吓就算啦～
不過我估用呢類「牆紙」磚應該比牆耐用啲啲，特別係潮濕地區，因為依家屋企啲牆紙經過咁多年都反起晒嘞……
拼磚、花磚
顧名思義，係有圖案嘅磚，可以單件有花，可以係好多件拼埋出嚟有圖案咁，有啲仲會係好立體吓，喺 MK 有見到直頭有幾個立體嘅天使仔喺塊磚上面…… *^O^*
不過呢，我自己對拼花就感覺一般嘞，因為我份人太五時花六時變嘞，好似簡單啲㩒睇啲，仲唔洗新年大掃除抹得咁辛苦……
上面主要分材質、面料，咁以用途計，又有分廣場磚、室外磚、牆磚（或者叫壁磚）同地磚……
簡單啲講，室內地磚係可以用嚟做牆磚嘅，但係因為地磚同牆磚個 Spec 唔同，如果要用牆磚做地磚嘅話，最好問一問間鋪同問吓師父嘞，因為大家嘅「硬淨程度」有啲分別……
要注意嘅係廣場磚，廣場磚比普通室內磚厚身，如果買錯，有機會師父會話鋪唔到，咁就嘥錢之餘得物無所用嘞…… ToT
好嘞…… 其實我唔係賣磚嘅，又唔係做裝修嘅，呢啲我唔會用到嘅磚材就唔講咁多嘞（仲有文化石磚、仿古磚…… blablabla……）～因為都冇做咩 research，唔好喺度班門弄斧嘞～( ´▽` )ﾉ
防滑指數
喺廁所用嘅地磚要留意吓防滑指數，即係由 R9 到 R13，R9 最低（即係最 sin），R13 最高。R9 嘅意思係當塊磚同水平呈 6 至 10 度角會 sin，R10 就係 10 至 19 度。
朋友話揀 R10 好啲，但我就覺得太「鞋」…… 不過朋友話又唔洗去到 R12 嗰啲嘅，嗰時通常已經係室外廣場磚嚟咖啦～
吸水率
愈唔吸水，咁磚就愈冇咁易裂同爆。咁點睇呢？通常係喺後面滴啲水，睇塊磚「索」水勁唔勁。
過底唔過底
唔係好識講呢…… 打側睇塊磚，睇佢係得一半定做到底，過底比較好。
其他
睇吓有冇黑點、氣泡、裂痕、缺邊缺角、變形…… 有冇 Trademark 呢啲。另外，要放平塊磚，睇吓有冇彎有冇變形，同埋幾塊放埋一齊睇吓拼唔拼得埋……
睇吓有冇黑點、氣泡、裂痕、缺邊缺角、變形…… 有冇 Trademark 呢啲。另外，要放平塊磚，睇吓有冇彎有冇變形，同埋幾塊放埋一齊睇吓拼唔拼得埋……
一般嚟講，師父會話你知要幾多平方呎磚，咁去到鋪頭同啲 Sales 講，佢哋會幫你計。
但以我自己嘅性格，都係自己計吓先，如果個量差唔多咁就好安心啦～*^O^* 下面呢個係普遍嘅計法：
地磚計法
144 ÷ (磚嘅長度 in 吋 x 磚嘅闊度 in 吋) x (鋪嘅面積 in 平方呎
牆磚計法
數學題啦，其實同地磚計法一樣
144 ÷ (磚嘅長度 in 吋 x 磚嘅闊度 in 吋) x (牆嘅總長度 in 呎 x 樓高 in 呎)
鋪木紋磚有咩鋪法？
因為好似之前所講咁，個心已經飛咗去木紋磚度，咁梗係研究吓點排木紋磚啦～有正工、小工、亂工121，1232，梯級，人字……
原來都好多咖…… 因為近來比較流行啲花紋比較明顯嘅木紋磚，Raw 啲啲，亂工鋪似乎係一個潮流，又比其他鋪法慳磚消耗少～
原來都好多咖…… 因為近來比較流行啲花紋比較明顯嘅木紋磚，Raw 啲啲，亂工鋪似乎係一個潮流，又比其他鋪法慳磚消耗少～
意大利木紋磚貴喺邊？
腳線點揀好？
下面講嘅係我自己覺得嘅啦，唔一定啱～呵呵（in 不負責任 Mode……）～
大家都知意大利磚貴，除咗一味追捧之外，其實點解會咁貴呢？
磚係用高溫燒出嚟嘅，咁如果溫度唔夠高，塊磚就燒得冇咁「結實」嘞，即係冇咁硬淨～
木紋磚之所以叫木紋磚係因為其實佢係一塊扮木嘅磚（哈哈，咁講好好笑～）…… 我會睇兩樣嘢……
第一，係打印出嚟嘅紋理，究竟印出嚟嘅圖樣真唔真，我自己接受唔到因為要扮木而夾硬加上去嘅超假木眼～
另外，意大利磚有分「V」幾（我估呢個 V 係 Variance 咁解），但冇咩點實際去就呢個「V」幾嚟做研究，我通常會問磚鋪，隻磚有幾多個花，或者大約 1 lot 幾多會再重複返同樣嘅花紋～
意大利磚嘅花紋生動，變化又多，好易睇完意大利木紋磚返唔到轉頭睇其他產地嘅木紋磚咖……
有啲其他產地所謂嘅木紋，其實係同一個圖樣，Shift 嚟 Shift 去咁印。即係點講呢…… 好似我去睇過一間，好明顯係同一個花紋，嗰個好假嘅木眼喺一塊磚嘅中間，又喺另一塊磚嘅一邊，但都係同一個假木眼同一個 Pattern，只係印嘅位移咗……
第二，係塊磚嘅凹凸感，意大利磚嘅凹凸紋 somehow 係跟返印出嚟嘅紋路嘅，整體嚟講像真啲～
我係老土怪，要用腳線，雖然放傢俬麻煩啲，可能要訂做就返腳線個位，但因為有腳線打理起上嚟方便啲，可以直接用水拖地唔洗怕整濕牆身（用磚嘅最大原因），而木腳線從來都唔係我杯茶，特別係經過收樓時小強橫行嘅日子之後……
如果用磚做腳線，磚鋪大約有幾種計法～
第一種，打埋個腳線價去磚價，買幾（塊地磚）送幾（條腳線）咁，唔夠再補錢加單。
第二種，直接一條腳線嘅單價，呢個最方便計數，但唔多鋪頭係咁。
第三種，最多鋪頭用，係先計磚價再計車工。即係假設塊磚係 100 蚊，可以三條腳線，每條腳線車工（修圓邊）係 30 蚊，咁即係 190 蚊 3 條腳線嘞～
我哋想用白色木紋磚做腳線，發現一個「問題」，因為受光嘅角度唔同，企身嘅木紋磚原來會比較暗…… 做唔到我哋想要嘅效果…… 大家揀地磚揀腳線時可能要留意吓，放塊磚喺地下同垂直放係會唔同色咖～
沒有留言:
張貼留言