♡ 度尺報價 ♡ Red 哥介紹嘅師父 ♡

都係我哋兩個見師父，感覺都 OK 嘅，三個師父裡面得佢一個有真係度尺，因為佢會報埋部分傢俬俾我哋。

問嘅嘢同之前貓姐介紹嘅師父差唔多，答案都係正常同有紋有路，傾、睇、度咗大約 1 個鐘。

師父嘅額外 / 不同建議有呢啲：

• 同爸爸介紹嘅師父一樣，唔建議門同門框油手掃漆，怕反起（三個師父兩個咁講，似乎要小心啲 (︶︹︺)）
• 新意見，打磨翻新廳房木地板可能有問題，因為怕係環保地板，一磨就穿（咁大件事？！o_O 要慎重考慮吓）
• 同貓姐介紹嘅師父睇法唔同，依家個煤氣熱水爐係靚嘢（唔係儲水式），如果搵煤氣公司 Check 完冇問題唔好換（問吓煤氣公司先，如果係真咁唔換嘞，慳啲好…… (^_^;)）

原本師父應承我哋上門度尺（19/4）第三日俾價單，最後我哋等了又等催了又催，今日（27/4）終於有嘞，不過都算係三份裡面最詳細嘅。

雖然師父係遲啲俾價單，但因為佢要報嘅嘢多啲，睇完之後都覺得可以考慮。